पीएम किसान योजनेअंतर्गत e-KYC साठी मुदतवाढ – PMKisan eKYC

शेतकऱ्यांना निश्चित उत्पन्न मिळण्याकरीता प्रधानमंत्री किसान सन्मान निधी (PM KISAN) योजने अंतर्गत सरसकट सर्व पात्र शेतकरी कुटुंबीयास (पती, पत्नी व त्यांची १८ वर्षाखालील अपत्ये ) रु. २०००/- प्रती हप्ता या प्रमाणे ३ हप्त्यात रू. ६०००/- प्रती वर्षी लाभ त्यांच्या बँक खात्यात थेट (DBT द्वारे) जमा करण्यात येत आहे.

आज अखेर या योजने अंतर्गत राज्यातील १०९.४६ लाख लाभार्थ्यांना एकूण रक्कम रु. १८१५१.७० कोटी लाभ अदा करण्यात आलेला आहे. या लाभार्थ्यांना द्यावयाचा लाभ सहजरित्या अदा करता यावा म्हणून केंद्र शासनाने प्रधानमंत्री किसान सन्मान निधी ( PM KISAN ) योजनेच्या लाभार्थ्यांनी त्यांचे e-KYC पडताळणी दिनांक ३१ मे, २०२२ पूर्वी पूर्ण करण्याचे निर्देश दिले होते. तथापी, सदरची e – KYC पडताळणी पुर्ण करण्यासाठी केंद्र शासनाने आता दिनांक ३१ जुलै. २०२२ पर्यंत मुदतवाढ दिलेली आहे. लाभार्थ्यास स्वतः पीएम किसान पोर्टलवर किंवा सामाईक सुविधा केंद्र (CSC) मार्फत e-KYC पडताळणी करण्याच्या सुविधा उपलब्ध करण्यात आल्या आहेत. या दोनपैकी स्वतःच्या सोईनुसार एका सुविधेच्या आधारे लाभार्थ्यास त्याची e-KYC पडताळणी करता येईल.

पीएम किसान पोर्टलवरील e-KYC करतांना लाभार्थ्यास त्यांच्या आधार क्रमांकाशी संलग्न केलेल्या मोबाईलवर येणाऱ्या OTP आधारे स्वत:चे -KYC पडताळणी करता येईल. यासाठी कोणतीही फी आकारणी केली जाणार नाही. तसेच सामाईक सुविधा केंद्र (CSC) मध्ये जाऊन लाभाची Biometric पद्धतीद्वारे e-KYC पडताळणी करून घेऊ शकतात. यासाठी सामाईक सुविधा केंद्राकडून रक्कम रू. १५/- प्रती लाभार्थी फी आकारणी करण्यात येईल, राज्यात दिनांक २६ मे २०२२ अखेर एकूण ५२.८२ लाख लाभार्थ्याचे e-KYC पडताळणी पुर्ण करण्यात आली आहे.

उर्वरीत लाभार्थ्यांनी स्वतः अथवा सामाईक सुविधा केंद्र (CSC) च्या माध्यमातून त्यांचे e-KYC पडताळणी केंद्र शासनाने दिलेल्या दिनांक ३१ जुलै २०२२ मुदतीपूर्वी पुर्ण करावे, असे आवाहन करण्यात येत आहे.

हेही वाचा – PM Kisan Yojana : शेतकऱ्यांच्या खात्यात ३१ मे २०२२ रोजी PM किसान योजनेचा ११ वा हप्ता जमा होणार !

वरील लेख आपल्या सर्व मित्रांना शेअर करा. आपल्याला या लेखाबद्दल काही प्रश्न असल्यास, कृपया कमेंट करा.

आमच्या सोशल मीडिया व्हॉट्सअ‍ॅप, फेसबुक आणि टेलिग्राम ग्रुप मध्ये सामील होण्यासाठी येथे क्लिक करा !!

शेअर करा:

Leave a Reply

Your email address will not be published.

This site uses Akismet to reduce spam. Learn how your comment data is processed.