आपल्या पंतप्रधान जन धन बँक खात्याची शिल्लक अशी तपासा

MSDhulap Team July 7, 2021August 28, 2022 0 Comments PM Jan Dhan Bank account

केंद्र सरकारने देशाच्या जनतेसाठी सुरू केलेल्या सर्वात लोकप्रिय योजनांपैकी पंतप्रधान जन धन योजना. आपण कोणत्याही बँक शाखेत पीएम जनधन खाते उघडू शकता. पीएमपी जन धन योजनेची सर्वात चांगली गोष्ट म्हणजे आपण आपले खाते शून्य बॅलन्ससह उघडू शकता. परंतु जर खातेधारकाला चेकबुक पाहिजे असेल तर त्याने खात्यात किमान शिल्लक ठेवावी लागेल.

आता घरबसल्या तुमच्या जनधन खात्यात (JanDhan Account) किती पैसे (Balance) आहेत हे माहीत करून घेऊ शकता. यासाठी तुम्हाला बँकेत किंवा एटीएममध्ये जाण्याची गरज नाही. चला तर जाणून घेऊया, घरबसल्या खात्यातील बॅलन्सची माहिती कशी घ्यायची.

जन धन बँक खात्यातील रकमेची माहिती मिळण्याचे सोपे पर्याय:

आपण खालील दोन पर्यायांपैकी एक निवडून तुमच्या जनधन खात्यातील बॅलन्सची माहिती मिळवू शकता. पहिला आहे पीएफएमएस पोर्टल आणि दुसरे म्हणजे मिस्ड कॉलच्या माध्यमातून.

1. पीएफएमएस (PFMS) पोर्टल:

पीएफएमएस पोर्टलवरून माहिती मिळवायची असल्यास तुम्हाला खालील लिंकवर क्लिक करा.

https://pfms.nic.in/NewDefaultHome.aspx

पोर्टल ओपन झाल्यावर तिथे तुम्हाला “Know Your Payment” ऑप्शन सिलेक्ट करावा लागेल.

त्यानंतर तुम्हाला तुमचा तुमची जन धन बँक निवडायची आहे, आणि तुम्हाला दोन वेळा तुमचा अकाऊंट नंबर टाकावा लागेल. त्यानंतर कॅप्चा कोड भरा आणि “Send OTP on Registered MObile No” वर क्लिक करून ओटीपी टाका, नंतर तुमच्या अकाऊंटमधील शिल्लक तुम्हाला दिसेल.

2. मिस्ड कॉल:

तुमचं जनधन खातं जर स्टेट बँक ऑफ इंडियामध्ये असेल, तर तुम्ही मिस्ड कॉलच्या माध्यमातून अकाऊंट बॅलन्स जाणून घेऊ शकता. त्यासाठी तुम्हाला 1800425380 या अथवा 1800112211 या नंबरवर मिस्ड कॉल द्यावा लागेल. यासाठी तुम्हाला बँकेत रजिस्टर्ड मोबाईल नंबरचा वापर करावा लागेल.