पर्यावरणपूरक वाहनावरील दुकान (मोबाईल शॉप ऑन ई-व्हेईकल) मोफत ई रिक्षा वाटप लाभार्थी यादी पहा ऑनलाईन !

October 19, 2024 MSDhulap Team 1 min read

दिव्यांग व्यक्तींना स्वावलंबी होण्याच्या दृष्टीने हरित उर्जेवर चालणा-या पर्यावरणस्नेही फिरल्या वाहनावरील दुकान (मोबाईल शॉप ऑन ई-व्हेईकल – Free eRickshaw) मोफत उपलब्ध करुन देण्याबाबतची योजना लागू करण्यासंदर्भात दिनांक १०.०६.२०१९ रोजीच्या शासन निर्णयानुसार मान्यता देण्यात आली आहे.

प्रस्तुत योजनेकरिता एकूण ४५,३८९ इतके ऑनलाईन अर्ज प्राप्त झाले आहेत. दिव्यांग व्यक्तींनी ऑनलाईन सादर केलेल्या अर्जाच्या कागदपत्रांची छाननी करण्याचे काम महाराष्ट्र राज्य दिव्यांग वित्त व विकास महामंडळ, मर्या. यांचे स्तरावर करण्यात आले असून दिनांक १०.०६.२०१९ व दिनांक २७.०९.२०२३ रोजीच्या शासन निर्णयामध्ये नमूद केलेल्या अटी व शर्तीची पुर्तता करणारे म्हणजेच १००% दिव्यांगत्वाचे प्रमाण असणारे अर्जदार यांना प्रथम प्राधान्य देण्यात आले असून ६६७ दिव्यांग लाभार्थ्यांना सदर योजनेचा लाभ देण्यात येणार आहे.

तसेच पात्रतेचे निकष पूर्ण करत नसल्यामुळे काही दिव्यांग अर्जदारांचे अर्ज अपात्र ठरविण्यात आले आहेत. उर्वरित सर्व दिव्यांग अर्जदार यांचे अर्ज वर्ग करण्यात येत आहे.