पशुसंवर्धन विभागाच्या विविध सेवा

दि. १३.०७.२०१५ च्या शासन निर्णयान्वये पशुसंवर्धन विभागाच्या विविध १० सेवांचा महाराष्ट्र लोकसेवा हक्क अधिनियमांतर्गत समावेश करण्यात आलेला आहे. वाचा क्र. ३ येथील शासन निर्णयान्वये अधिसूचित करण्यात आलेल्या विविध १० सेवांपैकी ०७ सेवा वगळून नव्याने विविध ११ सेवांचा समावेश या अधिनियमात केलेला असून, महाराष्ट्र लोकसेवा हक्क अधिनियमांतर्गत पशुसंवर्धन विभागाच्या सद्यस्थितीत एकूण १४ सेवांचा समावेश करण्यात आलेला आहे.

पशुसंवर्धन विभागाच्या स्थापनेचा मूळ हेतू पशुंचे स्वास्थ्य व रोग नियंत्रण, पशु प्रजनन, वैरण विकास, पशु व कुक्कुट पक्षांची उत्पादकता व उत्पादन वाढविणे व त्याजोगे शेतकऱ्यांचे उत्पन्न वाढविणे हा आहे. त्यामुळे पशुसंवर्धन विभागाकडून पशुपालक, शेतकरी यांना देण्यात येणाऱ्या विविध पशुवैद्यकीय सेवा लोकाभिमुख करणे व त्या सेवा संबंधितांना वेळेत मिळणे आवश्यक आहे.

त्यानुषंगाने या विभागाचे शासन निर्णय अनुक्रमे दि. १३.०५.२०१५ व दि.१४.०८.२०१९ अधिक्रमित करुन पशुसंवर्धन विभागाच्या एकूण ८२ सेवांचा समावेश महाराष्ट्र लोकसेवा हक्क अधिनियमांतर्गत करण्याच्या अनुषंगाने खालीलप्रमाणे शासन निर्णय निर्गमित करण्यात येत आहे. 

सद्यस्थितीत पशुसंवर्धन व दुग्ध व्यवसाय विकास विभागाचे पोर्टल उपलब्ध नसल्याने ते विकसित करण्याची कार्यवाही सुरू असून, पोर्टल विकसित होईपर्यंत शेतकरी, पशुपालक यांना उपरोक्त नमूद सर्व ८२ सेवा या महाराष्ट्र लोकसेवा हक्क अधिनियमांतर्गत ऑफलाईन पध्दतीने देण्यात येतील.

विभागाचे पोर्टल विकसित झाल्यानंतर व ते पोर्टल आपले सरकार पोर्टलशी संलग्न केल्यानंतर या सर्व ८२ सेवा ऑनलाईन पध्दतीने देण्यात येतील.

पशुसंवर्धन विभागाच्या सेवा शासन निर्णय :-

कृषि व पदुम विभागाचे शासन निर्णय दि.१३.०५.२०१५ व दि. १४.०८.२०१९ अधिक्रमित करुन महाराष्ट्र लोकसेवा हक्क अधिनियम, २०१५ अंतर्गत पशुसंवर्धन विभागाच्या खालीलप्रमाणे विविध ८२ सेवांचा समावेश करण्यास याद्वारे शासनाची मान्यता देण्यात येत आहे.

पशुसंवर्धन विभागाच्या विविध सेवा पाहण्यासाठी इथे क्लिक करा.

हेही वाचा – शेतकऱ्यांना अल्पमुदत पीक कर्ज पुरवठा करण्यासाठी १ टक्का कमी व्याज दराने अर्थसहाय्य !

वरील लेख आपल्या सर्व मित्रांना शेअर करा. आपल्याला या लेखाबद्दल काही प्रश्न असल्यास, कृपया कमेंट करा.

आमच्या सोशल मीडिया व्हॉट्सअ‍ॅप, फेसबुक आणि टेलिग्राम ग्रुप मध्ये सामील होण्यासाठी येथे क्लिक करा !!