आपले सरकार - महा-ऑनलाईनवृत्त विशेषसरकारी कामे

मृत्यु नोंद दाखला ऑनलाईन कसा काढायचा? जाणून घ्या सविस्तर (Death Certificate)

ग्रामीण/शहरी भागातील नागरिकांनी जन्म-मृत्युची घटना घडल्यानंतर संबंधित ग्रामपंचायत, नगरपालिका, कॅन्टोमेंट बोर्ड/महानगरपालिका इ. ठिकाणी जन्म-मृत्युची माहिती घटना घडल्यापासून २१ दिवसांच्या आत दिली पाहिजे.

वरील मुदतीच्या आत जन्म-मृत्युची नोंद व माहिती वेळेवर देणे कायद्याने सक्तीचे आहे. वरील मुदतीत नोंद करून लगेच दाखला मागितल्यास तो मोफत मिळतो.

वरील मुदतीत नोंद केली परंतु दाखला घेतला नसल्यास तो मिळविण्याकरता शासनाच्या नियमाप्रमाणे पैसे पडतात. जन्म अथवा मृत्यूचा दाखला नियमाप्रमाणे पैसे भरून पोस्टाने मागविता येतो.

जन्म मृत्युची नोंद मुदतीत न केल्यास विलंब शुल्क पडते. म्हणूनच जन्ममृत्यूची नोंदणी अत्यंत महत्त्वाची आहे. व्यक्तीच्या निधनानंतर विम्याच्या दाव्यासाठी किंवा सरकारी, खासगी कार्यालयीन कामांसाठी मृत्यू प्रमाणपत्र बंधनकारक करण्यात आले आहे. आपण या लेखामध्ये मृत्यु नोंद दाखला ऑनलाईन कसा काढायचा याची सविस्तर माहिती पाहणार आहोत.

मृत्यु नोंद दाखला ऑनलाईन काढण्याची प्रक्रिया:

मृत्यु नोंद दाखला ऑनलाईन काढण्यासाठी सर्वात आधी “आपले सरकारची”

https://aaplesarkar.mahaonline.gov.in/ हि वेबसाईट ओपन करायची आहे.

त्यानंतर नवीन यूजर या पर्यायावर क्लिक करून तुम्हाला तुमचा मोबाईल नंबर वापरुन रजिस्ट्रेशन करावे लागेल. ऑनलाईन पद्धतीने अर्ज करण्यासाठी आपले सरकार पोर्टलवर नोंदणी (युजर प्रोफाईल) कशी करायची? हे आपण मागील लेखामध्ये पाहिले आहे. रजिस्ट्रेशन झाल्यावर तुमच्या रजिस्टर मोबाईल नंबर वर युजर आयडी आणि पासवर्ड येईल तो टाकायचा आहे व तुमच्या जिल्ह्याचे नाव टाकायचे आहे, तसेच खाली तुम्हाला कॅप्चा कोड टाकायचा आहे व लॉगिन करायचे आहे.

लॉगिन
लॉगिन

आता तुमच्या पुढे आपले सरकारचे एक पेज ओपन होईल, त्याच्या उजव्या बाजूला इंग्लिश किंवा मराठी भाषा निवडण्यासाठी पर्याय दिलेला आहे, जर तुम्हाला मराठी भाषा निवडायचे असेल तर इंग्लिश वर सिलेक्ट करून त्याखाली मराठी भाषेचा पर्याय निवडा.

त्यानंतर डाव्या बाजूला तुम्हाला शासनाच्या विविध सेवा आहेत त्या दिसतील, तिथे तुम्हाला “ग्रामविकास व पंचायत राज विभाग” हा पर्याय निवडायचा आहे.

ग्रामविकास व पंचायत राज विभाग
ग्रामविकास व पंचायत राज विभाग

हा विभाग निवडल्यानंतर त्याअंतर्गत उपलब्ध असलेल्या सेवांची यादी दिसेल यामध्ये जन्म नोंद दाखला, मृत्यु नोंद दाखला, निराधार असल्याचा दाखला, दारिद्र्य रेषेखाली (BPL) असल्याचा दाखला असे बरेच पर्याय दिसतील. त्यातील “मृत्यु नोंद दाखला” या पर्यायावर क्लिक करायचे आहे, नंतर पुढे जा वर क्लिक करायचे आहे.

मृत्यु नोंद दाखला
मृत्यु नोंद दाखला

त्यानंतर “महाऑनलाईन” हे एक नवीन पेज ओपन होईल त्यामध्ये “मृत्यु नोंद दाखला” या पर्यायावर क्लिक करायचे आहे.

मृत्यु नोंद दाखला-अर्जदाराची माहिती:

आता अर्जदाराची माहिती हे पेज ओपन होईल त्यामध्ये मृत झालेल्या व्यक्तीचा जिल्हा, तालुका, ग्रामपंचायतीचे नाव, मृत व्यक्तिचे नाव, मृत्यूची तारीख, आधार क्रमांक, हि सर्व माहिती टाकायची आहे. व “समावेश करा” या पर्यायावर क्लिक करायचे आहे.

अर्जदाराची माहिती
अर्जदाराची माहिती

समावेश करा या पर्यायावर क्लिक केल्यानंतर तुम्हाला स्क्रीन वर एक मॅसेज येईल “तुमचा अर्ज यशस्वीरीत्या जतन करण्यात आला” आहे.व त्यामध्ये तुमचा अर्ज क्रमांक असेल तो जतन करून ठेवायचा आहे.

तसेच त्या मॅसेज मध्ये शुल्क भरा हा ऑपशन येईल, मृत्यु नोंद दाखला काढण्यासाठी २३.६० एवढे शुल्क आकारले जाते,ते शुल्क तुम्ही Wallet ,Net Banking, Credit /Debit Card ,IMPS ,UPI या माध्यमातून भरू शकता.

शुल्क भरल्यानंतर तुम्हाला 5 दिवसातच मृत्यु नोंद दाखला आपले सरकार या वेबसाइट वर मिळून जाईल तिथून तुम्ही डाउनलोड करू शकता.

हेही वाचा – जातीचा दाखला ऑनलाईन कसा काढायचा? याबद्दल सविस्तर माहिती जाणून घ्या

वरील लेख आपल्या सर्व मित्रांना शेअर करा. आपल्याला या लेखाबद्दल काही प्रश्न असल्यास, कृपया कमेंट करा.

आमच्या सोशल मीडिया व्हॉट्सअ‍ॅप, फेसबुक आणि टेलिग्राम ग्रुप मध्ये सामील होण्यासाठी इथे क्लिक करा !!

शेअर करा:

3 thoughts on “मृत्यु नोंद दाखला ऑनलाईन कसा काढायचा? जाणून घ्या सविस्तर (Death Certificate)

  • Sangita

    Thank you for important information.
    1) The death happened in one district and I live another district. In this situation can I get death certificate where I live from that district?

    Reply
  • भरत तायडे

    माझी आत्या 1995 ला वारली आहे आणि त्यांच्या मृत्यू ची नोंद ग्रामपंचायत व पंचायत समिती ला सुध्दा नाही तर मला मृत्यू दाखला कसा मिळेल ? मदत करा

    Reply
    • गटविकास अधिकारी पंचायत समिती यांचा मृत्युनोद नसल्याबाबतचा दाखला घ्या आणि स्वतः प्रतिज्ञापत्र करून मुत्यू तारीख माहिती असेल तर ती तारीख टाका किंवा नसेल माहिती तर अंदाजे मुत्यू तारीख टाका आणि तहसील मध्ये सेतू विहित नमुन्यात अर्ज रु. ५ कोर्ट फी स्टेपसह सबमिट करा. मिळून जाईल मृत्यू दाखला.

      Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.