जमीन किंवा NA Plot (बिगर शेती जमीन) खरेदी करताना कोणती काळजी घ्यावी जाणून घ्या सविस्तर

आपण अनेक कारणांसाठी जमीन खरेदी करत असतो, जमीन खरेदी करण्यापूर्वी अनेक गोष्टीची खातरजमा करणे गरजेचं आहे, कारण हा भरपूर किचकट व्यवहार आपण समजतो. जमीन खरेदी करण्यापूर्वी आवश्यक नियमांची माहिती घेऊनच व्यवहार करणे गरजेचं आहे, म्हणूनच आपण या लेखामध्ये जमीन किंवा NA Plot खरेदी करताना कोणत्या बाबी लक्षात ठेवणे गरजेचं आहे याची सविस्तर माहिती घेणार आहोत.

जमीन किंवा N.A. Plot खरेदी करताना कोणती काळजी घ्यावी जाणून घ्या सविस्तर


जमिनीचा सातबारा उतारा पाहणे किंवा काढणे:

फेरफार व “आठ अ” तपासणे:

आपल्याला ज्या गावातील जमींन खरेदी करावयाची असेल तेथिल गावच्या तलाठ्या कडून जमिनीचा सध्याचा सातबारा उतारा काढून घ्यावा किंवा शासनाच्या भुमीअभिलेख या अधिकृत वेबसाईट वरून प्रिंट काढून घ्यावी. त्यावर असलेले फेरफार व “आठ अ” तपासून पाहावा. सातबारा पहाताना “वर्ग १” नोंद असली तर ती जमीन विक्री करणा-याची स्वतःच्या मालकी वहिवाटीची असून सदर जमीन खरेदी करण्यास विशेष अडचण येत नाही.

हेही वाचा - आता डिजिटल स्वाक्षरीचा सातबारा उतारा ऑनलाईन डाउनलोड करा

नियंत्रित सत्ता प्रकार किवा “वर्ग २” तपासणे:

परंतु नि.स.प्र.(नियंत्रित सत्ता प्रकार किवा “वर्ग २”) अशी नोंद असेल तर सदर जमीन कुळ वाहिवाटी मार्फत मिळविलेली असते. अशी जमीन खरेदी करण्यापूर्वी संबंधित कुळाला विक्री करण्यासाठी प्रांत अधिकारी यांची परवानगी घेणे गरजेचं ठरते. ही परवानगी जमीन खरेदी करते वेळी घेणे आवश्यक असते. या करीता “३२ म” प्रमाणपत्र आणि इतर कागदपत्रांची पूर्तता करावी लागते. यासाठी साधारणत: महिनाभराचा कालावधी लागतो. प्रांत अधिकारी यांची परवानगी मिळल्यावर खरेदीखत करता येते.

हेही वाचा - १८८० पासूनचे जुने जमिनीचे फेरफार डायरी उतारा ऑनलाईन कसा काढायचा

जमीन किंवा NA Plot (बिगर शेती जमीन) खरेदी करताना खालील बाबींची खातरजमा करावी:

1.जमिनी पर्यंतचा रस्ता:

जर खरेदी करण्याची जमीन बिनशेती असल्यास जमिनी पर्यंतचा रस्ता नकाशामध्ये दाखवीलेला असतो परंतु जमीन बिनशेती नसल्यास व खाजगी रस्ता असल्यास रस्त्यासाठी दाखवीलेली जमीन व संबंधित मालक यांची हरकत नसल्याची खात्री करावी.

हेही वाचा - कायदेशीर मागणी अर्ज करून शेत रस्ता करा

2.आरक्षीत जमिनी:

जमीन खरेदी करण्यापूर्वी शासनाने सदर जमिनीमध्ये कोणत्याही प्रकारचे आरक्षण उदा. हिरवा पट्टा पिवळा पट्टा इं. नसल्याची खात्री करावी.

 3.वाहिवाटदार:

जमीन खरेदी करताना सातबारावरील मुळ मालक व प्रत्यक्ष जमिनीचा वहिवाटदार वेगवेगळे असू शकतात याची खात्री कारावी.

4.सातबारावरील नावे: 

सातबारावरील नावे ही विक्री करणाऱ्या व्यक्तीचीच आहे का ते पहावे. त्यावर मयत व्यक्ती किवा जुना मालक इतर वारसांची नावे असल्यास ती काढून घेणे आवश्यक असते.

5.कर्जप्रकरण, न्यायालयीन खटला व भाडेपट्टा:

जी जमीन आपण खरेदी करणार आहोत त्या जमिनीवर कोणत्याही बॅंक किवा संस्था यांच्या कर्जाचा बोजा नसल्याची खात्री करावी. तसेंच न्यायालायीन खटला चालू असल्यास संदर्भ तपासून पहावे. कोणतीही जमीन खरेदी करताना प्रथम वकिलाचा सल्ला घेणे आवश्यक आहे.

6.जमिनीची हद्द:

जमिनीची हद्द नकाशा प्रमाणे मोजून तपासून घ्यावी. व लगतच्या जमीन मालकांची हरकत नसल्याची खात्री करावी.

7.इतर अधिकारांची नोंद:

जमिनीची खरेदी करताना सातबारावर इतर अधिकारमध्ये नावे असतील तर आवश्यक ती माहिती करून घेणे. तसेच बक्षीसपत्राने मिळालेल्या जमिनींची विशेष काळजी घ्यावी.

8.बिनशेती करणे: 

शेतघर सोडून कोणत्याही कारणासाठी बांधकाम करावयाचे असल्यास बांधकामाच्या प्रकारा प्रमाणे बिनशेती करणे आवश्यक असते शहरात असल्यास योग्य त्या ऑथॉरिटी प्रमाणे करावे.

9.संपादित जमिनी:

खरेदी करत असलेल्या जमिनीमधून नियोजित महामार्ग, रेल्वे मार्ग, तलाव इ. नसल्याची खात्री करावी. याची सातबारावर नोंद पहावी. तसेच जमिनिच्या बाजूने रस्ता, नदी, महामार्ग, असेल तर त्यापासूनचे योग्य अंतर सोडून पुरेशी जमीन असल्यास खरेदी करावी. 

10.खरेदीखत:

 तालुक्यातील दुय्यम निबंधक कार्यालयामध्ये आवश्यक त्या कागदपत्रांची पूर्तता करून व आवश्यक शुल्क भरून खरेदीखत करावे.

11.जमिनिचा नकाशा:

योग्य कालावधी नंतर खरेदी केलेल्या जमिनिचा नकाशा व आपल्या नावे सातबारा वर आहे का याची खात्री करावी.

हेही वाचा - जमिनीचा नकाशा ऑनलाईन कसा पाहायचा

12.शासन नियम पडताळणे:

महसूल विभागाचे शासन नियम हे नेहमी सारखेच राहत नाहीत. आवश्यक त्या कागदपत्रांची पूर्तता करण्यासाठी वेळोवेळी बदलणारे शासन नियम पडताळून पहावेत.

हेही वाचा - जमीन NA (बिगर शेती) कशी करायची? जाणून घ्या सविस्तर प्रक्रिया

या लेखात आपण जमीन किंवा NA Plot खरेदी करताना कोणती काळजी घ्यावी ते सविस्तर पाहिले. मी आशा करतो की आपण या लेखाचा आनंद घेतला असेल. जर आपल्याला हा लेख आवडत असेल तर तो आपल्या सर्व मित्रांना सामायिक करा. आपल्याला या लेखाबद्दल काही प्रश्न असल्यास, कृपया टिप्पणी द्या.

आमच्या सोशल मीडिया व्हॉट्सअ‍ॅप, फेसबुक आणि टेलिग्राम ग्रुप मध्ये सामील होण्यासाठी हिथे क्लिक करा !!

Post a Comment

0 Comments