विशेष सहाय्य योजनेचे पैसे आलेत का? आता घरी बसून ऑनलाईन चेक करा!

November 11, 2025 MSDhulap Team 4 min read

या लेखात आपण विशेष सहाय्य योजनेअंतर्गत मिळणाऱ्या अनुदानाची स्टेटस (Special Assistance Beneficiary Status) माहिती सामाजिक न्याय आणि विशेष सहाय्य विभागाच्या अधिकृत वेबसाइटवरून कशी पाहायची, याची सविस्तर प्रक्रिया पाहणार आहोत. सामाजिक न्याय आणि विशेष सहाय्य विभागाच्या अंतर्गत राज्यातील गरजू, अपंग, वृद्ध, अनाथ, विधवा, परित्यक्ता, वंचित घटकांसाठी संजय गांधी निराधार अनुदान योजना ही महत्त्वाची आर्थिक मदतीची योजना आहे. यामध्ये दरमहा नियमित अनुदान लाभार्थ्यांच्या खात्यात जमा केलं जातं. पण हे पैसे आपल्या खात्यात आलेत की नाही, याची खात्री कशी करायची, असा प्रश्न अनेक लाभार्थ्यांना सतत सतावतो. याचे उत्तर म्हणजे – ऑनलाईन (Special Assistance Beneficiary Status) स्टेट्स तपासण्याची सुविधा, जी घरबसल्या उपलब्ध आहे.

Table of Contents

विशेष सहाय्य योजना – Special Assistance Yojana:

उद्दिष्ट : गरजू आणि उपेक्षित नागरिकांना दरमहा आर्थिक सहाय्य देणे.
लाभार्थी : वृद्ध, विधवा, अनाथ, अपंग, घटस्फोटित महिला, HIV बाधित, गंभीर आजारांनी त्रस्त व्यक्ती.
अनुदान रक्कम : साधारणतः १५०० प्रतिमाह (प्रकारानुसार वेगवेगळी असते). (संजय गांधी निराधार योजना वाढीव अनुदान नवीन GR नुसार दिव्यांग व वृद्धांना दरमहा ₹2500)
स्वरूप : बँक खात्यात थेट जमा.

ऑनलाईन स्टेट्स तपासण्याची संपूर्ण प्रक्रिया – Special Assistance Beneficiary Status:

विशेष सहाय्य योजनेच्या अनुदानाचे (Special Assistance Beneficiary Status) स्टेट्स ऑनलाईन स्टेटस चेक करण्यासाठी सर्वप्रथम खालील सामाजिक न्याय आणि विशेष सहाय्य विभागाच्या अधिकृत पोर्टल लिंकवर क्लिक करा किंवा तुमच्या मोबाईल/लॅपटॉपच्या ब्राउझरमध्ये टाइप करा.

https://sas.mahait.org

सामाजिक न्याय आणि विशेष सहाय्य विभागाच्या अधिकृत वेबसाईट उघडल्यानंतर, लाभार्थी स्थिती (SGNAY Beneficiary Status) या पर्यायावर क्लिक करा.

आधार क्रमांक टाका:

आता लाभार्थी स्थितीचे नवीन विंडो उघडेल.
येथे तुमचा आधार क्रमांक टाका.
कॅप्चा कोड भरून Get Mobile OTP वर क्लिक करा.

मोबाईल OTP प्रविष्ट करा.

तुमच्या आधार लिंक्ड मोबाईलवर OTP येईल.
तो OTP टाकून पुढे जा.
जर OTP येत नसेल तर तुमचं आधार रजिस्ट्रेशन अद्याप ऑनलाइन झालेलं नाही. अशा वेळी जवळच्या तहसील कार्यालयात जाऊन नोंदणी प्रक्रिया ऑनलाईन करून घ्यावी लागेल.
OTP टाकल्यानंतर Get Data या बटणावर क्लिक करा.

पुढे यशस्वीरित्या लॉगिन झाल्यानंतर खालीलप्रमाणे माहिती स्क्रीनवर दिसेल:

नाव
आधार क्रमांक
पत्ता
तालुका, जिल्हा, ग्रामपंचायत
कोणत्या योजनेअंतर्गत लाभ मिळतो
कोणत्या Financial Year मध्ये अनुदान मिळाले
कधी, किती रक्कम, आणि कोणत्या खात्यात जमा झाली

महत्त्वाच्या सूचना

मोबाईलवर प्रक्रिया करताना “Desktop Site” मोड वापरणे आवश्यक आहे.
लाभाची स्थिती बघताना आधार क्रमांक आणि मोबाईल नंबर लिंक असणे आवश्यक आहे.
OTP येत नसल्यास आधार अपडेटसाठी अधिकृत केंद्रावर संपर्क साधा.

योजनेचा लाभ वेळेवर मिळतो का?

सामान्यतः दर महिन्याच्या शेवटी किंवा पुढील महिन्याच्या सुरुवातीस अनुदान खात्यात जमा होतं. कधी कधी प्रशासकीय कारणास्तव उशीर होऊ शकतो. त्यामुळे तुम्ही वरील पद्धतीने वेळोवेळी स्टेट्स (Special Assistance Beneficiary Status)तपासत राहणं फायदेशीर ठरेल.

योजनेबाबत संपर्क:

तुमच्या तहसील कार्यालयाशी संपर्क करा.
सामाजिक न्याय विभागाच्या जिल्हा कार्यालयाशी संपर्क साधा.

विशेष सहाय्य निराधार अनुदान ही गरजूंना दिलासा देणारी अत्यंत महत्त्वाची योजना आहे. या योजनेंतर्गत अनुदान मिळालं का? किती आणि केव्हा? हे जाणून घेण्यासाठी घरबसल्या मोबाईलवरून वरील पद्धतीने स्टेट्स (SGNAY Beneficiary Status) तपासता येतं. त्यामुळे आता तुम्हाला तहसील कार्यालयात रांग लावण्याची गरज नाही. केवळ काही मिनिटांत ही माहिती मिळू शकते.

ऑनलाईन अर्ज (Apply Online): ऑनलाईन अर्ज करण्यासाठी इथे क्लिक करा.

अधिकृत वेबसाईट: अधिकृत वेबसाईट पाहण्यासाठी इथे क्लिक करा.

या लेखात, आम्ही विशेष सहाय्य निराधार योजनेच्या अनुदानाचे स्टेट्स ऑनलाईन चेक कसे करायचे? (Special Assistance Beneficiary Status) विषयीची संपूर्ण माहिती दिली आहे. मला आशा आहे की तुम्हाला हा लेख आवडला असेल. तुम्हाला हा लेख आवडला तर नक्की शेअर करा. तुम्हाला या लेखाबद्दल काही प्रश्न असल्यास, कृपया टिप्पणी द्या.

खालील महत्वपूर्ण लेख वाचा !