रेल्वेचं सर्व काही एकाच अ‍ॅपमध्ये – ‘RailOne’ डाउनलोड केलं का?

July 1, 2025 MSDhulap Team

भारतीय रेल्वे ही केवळ देशातील सर्वात मोठी वाहतूक व्यवस्था नसून ती कोट्यवधी लोकांच्या दैनंदिन जीवनाचा अविभाज्य भाग आहे. प्रवाशांचा अनुभव अधिक सुलभ, सुरक्षित व डिजिटल करण्याच्या उद्देशाने भारतीय रेल्वेने “रेलवन ॲप” (RailOne App) ही नवी डिजिटल सेवा सुरू केली आहे. केंद्र सरकारच्या ‘डिजिटल इंडिया’ मोहिमेच्या पार्श्वभूमीवर रेलवन (RailOne App) ॲप म्हणजे एक क्रांतिकारी टप्पा मानला जातो.

Table of Contents

रेल्वेच्या सर्व सेवा, आता एका क्लिकवर! रेलवन ॲप – RailOne App:

रेलवन (RailOne App) ॲप हे भारतीय रेल्वेच्या सेंटर फॉर रेल्वे इन्फॉर्मेशन सिस्टम्स (CRIS) या संस्था द्वारे विकसित करण्यात आलेले एक सर्वसमावेशक व सर्व सुविधा एकत्र करणारे डिजिटल ॲप आहे. याचे उद्दिष्ट म्हणजे प्रवाशांसाठी एकाच ठिकाणी अनेक रेल्वे सुविधा उपलब्ध करून देणे. केंद्रीय रेल्वेमंत्री अश्विनी वैष्णव यांनी दिल्लीतील इंडिया हॅबिटॅट सेंटर येथे CRIS च्या 40व्या स्थापना दिनानिमित्त या ॲपचे उद्घाटन केले.

रेलवन ॲपच्या प्रमुख वैशिष्ट:

रेलवन (RailOne App) ॲप हे Android व iOS प्लॅटफॉर्मवर मोफत डाउनलोडसाठी उपलब्ध आहे. यामध्ये प्रवाशांना खालील प्रमुख सेवा एका ठिकाणी उपलब्ध होतात:

अनारक्षित तिकिट बुकिंग (UTS सेवा):
- 3% सूटसह तिकिटे बुक करता येतात
- प्लॅटफॉर्म तिकिटांची सुलभ खरेदी
लाइव्ह ट्रेन ट्रॅकिंग:
- ट्रेन सध्या कुठे आहे हे रिअल टाइममध्ये पाहता येते
- उशीर, वेळापत्रक, आगमन-प्रस्थान यांची अचूक माहिती
तक्रार व निराकरण व्यवस्था:
- प्रवासात होणाऱ्या अडचणीसाठी त्वरित ऑनलाईन तक्रार नोंदवता येते
- संबंधित विभागाकडून फॉलोअप व निराकरण
ई-कॅटरिंग:
- IRCTC द्वारे अधिकृत भोजनसेवा
- ट्रेवल करताना हवे तसे जेवण प्री-बुक करता येते
पोर्टर आणि शेवटच्या मैलापर्यंत सेवा (Last Mile Services):
- स्टेशनवर पोहोचल्यावर सामान वाहून नेणाऱ्या हमालांची सेवा
- टॅक्सी किंवा कॅब बुकिंगसुद्धा उपलब्ध
सिंगल साइन-ऑन प्रणाली:
- mPIN किंवा बायोमेट्रिक लॉगिनचा पर्याय
- Rail Connect व UTS या जुन्या अ‍ॅप्सची माहिती देखील समाकलित

IRCTC च्या सहकार्याने अधिकृत बुकिंग:

रेलवन (RailOne App) ॲपमधून तिकीट बुकिंग करताना प्रवाशांना IRCTC ची अधिकृत सेवा मिळते. त्यामुळे इतर खाजगी अ‍ॅप्सप्रमाणे कोणतीही शंका किंवा फसवणूक होण्याचा धोका नाही. यामुळेच रेलवन ॲप अधिक सुरक्षित व अधिकृत आहे.

रेलवन ॲप डाउनलोड करा – RailOne App Download: रेल्वेचं रेलवन ॲप (RailOne App) मोबाईल मध्ये डाउनलोड करण्यासाठी इथे क्लिक करा.

आजच्या काळात अनेक अ‍ॅप्स फोनमध्ये इन्स्टॉल करून फोनची जागा व्यापली जाते. रेलवन (RailOne App) ॲपचे विशेषत्व म्हणजे हे एकच अ‍ॅप वापरून अनेक सेवा मिळतात. त्यामुळे इतर अनेक रेल्वे अ‍ॅप्स डिलीट करता येतात आणि फोनमधील जागाही वाचते.

आधुनिकीकरणाच्या दिशेने महत्त्वाचे पाऊल:

रेलवन (RailOne App) ॲपचा प्रारंभ हा केवळ सुरुवात आहे. डिसेंबर 2025 पर्यंत रेल्वेची प्रवासी आरक्षण प्रणाली (PRS) अधिक आधुनिक, वेगवान व सक्षम केली जाणार आहे. यामध्ये:

प्रति मिनिट 1.5 लाख तिकिटे बुक होण्याची क्षमता
40 लाख चौकशी प्रक्रिया हाताळण्याची ताकद
विद्यार्थ्यांसाठी, दिव्यांगांसाठी, रुग्णांसाठी विशेष सेवा
आसन निवड व प्रवास भाड्यांचे प्रगत पर्याय

या नव्या आरक्षण प्रणालीमुळे प्रवाशांना अधिक विश्वासार्ह व जलद सेवा मिळणार आहे.

रेलवन (RailOne App) ॲपमुळे प्रगत तंत्रज्ञान सर्वसामान्य प्रवाशांपर्यंत पोहोचले आहे. कोणताही स्मार्टफोन वापरणारा प्रवासी आता रेल्वेच्या विविध सेवांचा लाभ सहजपणे घेऊ शकतो. यातून डिजिटल लोकशाहीकरणाला चालना मिळाली आहे.

भारतीय रेल्वे आता केवळ देशातील नसून जागतिक स्तरावरील आधुनिक वाहतूक व्यवस्था बनत आहे. रेलवन (RailOne App) ॲप हा त्याच प्रवासाचा महत्त्वपूर्ण टप्पा आहे.

रेलवन (RailOne App) ॲप हे आजच्या डिजिटल युगात भारतीय रेल्वेने प्रवाशांसाठी दिलेली एक डिजिटल भेट आहे. तिकिट बुकिंगपासून ते तक्रारीपर्यंत, भोजन व्यवस्थेपासून पोर्टर पर्यंत, रेलवन (RailOne App) ॲप एकच छताखाली सर्व सेवा देते. स्मार्टफोनचा वापर करून रेल्वे प्रवास अधिक सुलभ, सुरक्षित व सुसंगत करायचा असेल तर रेलवन ॲप डाउनलोड करणे ही काळाची गरज आहे.

या लेखात, आम्ही रेल्वे प्रवास झाला स्मार्ट – ‘रेलवन (RailOne App) ॲप’ ने द्या डिजिटल सोबतची साथ! विषयीची संपूर्ण माहिती दिली आहे. मला आशा आहे की तुम्हाला हा लेख आवडला असेल. तुम्हाला हा लेख आवडला तर नक्की शेअर करा. तुम्हाला या लेखाबद्दल काही प्रश्न असल्यास, कृपया टिप्पणी द्या.

खालील लेख देखील वाचा !

वरील लेख आपल्या सर्व मित्रांना शेअर करा. आपल्याला या लेखाबद्दल काही प्रश्न असल्यास, कृपया कमेंट करा.