वाहनांना हाय सिक्युरिटी रजिस्ट्रेशन नंबर प्लेट बसविणे बंदनकारक; HSRP नंबर प्लेटसाठी असा करा ऑनलाईन अर्ज !

February 14, 2025 MSDhulap Team

अत्याधुनिक हाय सिक्युरिटी रजिस्ट्रेशन प्लेट (एचएसआरपी) (High Security Registration Plate – HSRP) आता वाहनांना बसवावी लागणार आहे, सध्या नव्या वाहनांना ती उपलब्ध होते. मात्र, जुन्या वाहनधारकांनी लवकर अशा प्रकारची नंबरप्लेट बसवून घेण्याचे आवाहन केले आहे.

केंद्रीय मोटार वाहन नियम, १९८९ च्या नियम ५० नुसार वाहनांस HSRP (High Security Registration Plate) बसविण्याची तरतूद आहे. तसेच रस्ते व महामार्ग मंत्रालय, नवी दिल्ली यांच्या G.S.R. ११६२ (E) दि.०४/१२/२०१८ व ९.०. ६०५२ (E) दि ०६/१२/२०१८ नुसार दि.०१/०४/२०१९ पासून उत्पादित होणाऱ्या सर्व नवीन वाहनांना हाय सिक्युरिटी रजिस्ट्रेशन नंबर प्लेट बसविण्याची तरतूद करण्यात आली आहे.

वाहनांच्या नंबर प्लेटमध्ये छेडछाड व बनावटगिरी करुन होणारे गुन्हे कमी करणे, रस्त्यावर धावणाऱ्या वाहनांची ओळख पटविणे व तसेच राष्ट्रीय सुरक्षेच्या दृष्टीकोनातून सर्व वाहनांना HSRP बसविणे अत्यावश्यक असून मा. सर्वोच्च न्यायालयाने तसे निर्देशही दिले आहेत. सदर निर्देशांची अंमलबजावणी व नागरिकांच्या सुरक्षिततेच्या दृष्टीकोनातून वाहनांना HSRP (High Security Registration Plate) बसविण्याचे महत्व लक्षात घेऊन महाराष्ट्र शासनाने दि.०१/०४/२०१९ पूर्वी उत्पादित झालेल्या सर्व जुन्या नोंदणीकृत वाहनांना HSRP बसविण्याचा निर्णय घेतला आहे.

Table of Contents

उच्च-सुरक्षा नोंदणी प्लेट (HSRP – High Security Registration Plate):

HSRP, किंवा उच्च-सुरक्षा नोंदणी प्लेट, भारतातील वाहनांसाठी छेडछाड-पुरावा आणि प्रमाणित नंबर प्लेट आहे. ही एक ॲल्युमिनियम नंबर प्लेट आहे ज्यामध्ये दोन नॉन-फंक्शनल लॉक असतात जे वाहनाला जोडलेले असतात.

नंबर प्लेटसाठीचे शुल्क:

वाहनाचा प्रकार	शुल्क
दुचाकी, ट्रॅक्टर	४५०
तीनचाकी	५००
चारचाकी, अन्य वाहने	७४५

हाय सिक्युरिटी रजिस्ट्रेशन नंबर प्लेटसाठी असा करा ऑनलाईन अर्ज – Apply High Security Registration Plate Online:

आपल्या वाहनाला हाय सिक्युरिटी रजिस्ट्रेशन नंबर प्लेट (High Security Registration Plate – HSRP) बसवण्यासाठी आपण ऑनलाईन फॉर्म भरू शकता. त्यासाठी खालील वेबसाईट ला भेट द्या.

https://transport.maharashtra.gov.in/1035/Home

वेबसाईट ओपन झाल्यानंतर HSRP Online Booking हा पर्याय दिसेल त्यावर क्लिक करायचे आहे.

HSRP Online Booking

HSRP Online Booking पर्यायावर क्लिक केल्यानंतर Apply High Security Registration Plate Online हा पर्याय दिसेल तिथून RTO ऑफिस सिलेक्ट करायचे आहे व Submit बटनावर क्लिक करायचे आहे.

त्यानंतर नवीन पेज वर Book High Security Registration Plate येथील Book या पर्यायावर क्लिक करायचे आहे.

Book या पर्यायावर क्लिक केल्यानंतर Booking Details टाकायच्या आहेत त्यामध्ये राज्य, Registration Number म्हणजे गाडीचा नंबर, Chassis No, Engine No, Mobile No, Captcha टाकून Click Here या पर्यायावर क्लिक करा. त्यानंतर नवीन पेजवर आपण भरलेली माहिती सर्व बरोबर असेल तर सर्व माहिती तिथे दाखवली जाईल.

त्यानंतर Contact Information मध्ये Owner Name, Email ID, Billing Address टाकून Next पर्यायावर क्लिक करा.

त्यानंतर आपण जो मोबाइल नंबर दिलाय त्यावर OTP येईल तो टाकून Next पर्यायावर क्लिक करा.

Next पर्यायावर क्लिक केल्यानंतर दुसऱ्या स्टेप मध्ये Appointment at Affixation Center म्हणजेच Appointment Center आहेत त्या ठिकाणी तुम्ही जाऊन नंबर प्लेट बसवू शकता किंवा दुसरा ऑपशन म्हणजे Home Delivery त्यामध्ये काही ठराविक जे पिनकोड आहेत त्या ठिकाणी हि सुविधा उपलब्ध आहे.

जर आपण दुसरा ऑपशन सिलेक्ट केला तर त्यामध्ये आपल्याला पिनकोड टाकायचा आहे व Check Availability या पर्यायावर क्लिक करायचे आहे.

जर त्या ठिकाणी ही सुविधा नसेल तर खालील Appointment at Affixation Center या पर्यायावर क्लिक करा.

त्यानंतर राज्य, जिल्हा निवडा व Near Me वर क्लिक करून आपल्या जवळील सेंटर वर क्लिक करून Confirm Dealer वरती क्लिक करा.

Confirm Dealer वरती क्लिक केल्यानंतर Appointment Date व Time Slot दाखवला जाईल त्यातील योग्य तारीख व वेळ निवडून Confirm & Proceed या पर्यायावर क्लिक करा. त्यानंतर Appointment Details दाखवली जातील ती वाचून Confirm & Proceed या पर्यायावर क्लिक करा.

त्यानंतर Total Cost दाखवली जाईल त्यामध्ये खालील I agree वर क्लिक करून Pay Online या पर्यायावर क्लिक करा. Payment आपण UPI, Cards, Netbanking, wallet या माध्यमातून करू शकता.

Payment Done झाल्यानंतर HSRP Appointment Receipt भेटेल ती Save करून ठेवा. व त्या तारखेला ही Receipt आपली गाडी व RC Copy त्या ठिकाणी घेऊन जायची आहे.

या लेखात, आम्ही वाहनांना हाय सिक्युरिटी (High Security Registration Plate – HSRP) रजिस्ट्रेशन नंबर प्लेट बसविणे बंदनकारक; HSRP नंबर प्लेटसाठी ऑनलाईन अर्ज करण्याची प्रोसेस ! विषयीची संपूर्ण माहिती दिली आहे. मला आशा आहे की तुम्हाला हा लेख आवडला असेल. तुम्हाला हा लेख आवडला तर नक्की शेअर करा. तुम्हाला या लेखाबद्दल काही प्रश्न असल्यास, कृपया टिप्पणी द्या.

खालील लेख देखील वाचा!