80 वर्षे व त्यावरील निवृत्तिवेतनधारक / कुटुंब निवृत्ति वेतनधारकांच्या निवृत्तिवेतन / कुटुंब निवृत्तिवेतनात वाढ !

January 16, 2024 MSDhulap Team

८० वर्षे व त्यावरील राज्य शासकीय निवृत्तिवेतनधारक / कुटुंब निवृत्तिवेतनधारकांना सातव्या वेतन आयोगानुसार निश्चित झालेल्या मूळ निवृत्तिवेतन / कुटुंब निवृत्तिवेतनात वाढ दि.०१.०१.२०१९ पासून सुधारित करण्यात आला आहे. शासन आता असा आदेश देत आहे की, सदर दर दि.०१.०१.२०२४ पासून पुढीलप्रमाणे सुधारित करण्यात येत आहेत.

1	वय वर्षे ८० ते ८५	मूळ निवृत्तिवेतनात २०% वाढ
2	वय वर्षे ८५ पेक्षा अधिक ते ९०	मूळ निवृत्तिवेतनात ३०% वाढ
3	वय वर्षे ९० पेक्षा अधिक ते ९५	मूळ निवृत्तिवेतनात ४०% वाढ
4	वय वर्षे ९५ पेक्षा अधिक ते १००	मूळ निवृत्तिवेतनात ५०% वाढ
5	वय वर्षे १०० पेक्षा अधिक	मूळ निवृत्तिवेतनात १००% वाढ

सदर लाभ केवळ दि.०१.०१.२०२४ पासून देय राहील. तत्पूर्वी वयोमानानुसार वाढीव निवृत्तिवेतन घेत असलेल्या निवृत्तिवेतनधारक / कुटुंब निवृत्तिवेतनधारकांना सुधारित दरानुसार फरकाची रक्कम अनुज्ञेय राहणार नाही.

या निर्णयामुळे प्रत्येक वैयक्तिक प्रकरणी देय होणाऱ्या निवृत्तिवेतन वाढीच्या रकमेची परिगणना करण्याची जबाबदारी ही निवृत्तिवेतन संवितरण प्राधिकारी म्हणजेच यथास्थिती, अधिदान व लेखा अधिकारी, मुंबई / कोषागार अधिकारी यांची राहणार आहे.

वित्त विभाग शासन निर्णय: 80 वर्षे व त्यावरील निवृत्तिवेतनधारक / कुटुंब निवृत्तिवेतनधारकांच्या निवृत्तिवेतन / कुटुंब निवृत्तिवेतनात दि.1 जानेवारी 2024 पासून वाढ करण्याबाबत शासन निर्णय पाहण्यासाठी इथे क्लिक करा.