महाडीबिटी शिष्यवृत्ती 2025-26: अर्ज प्रक्रिया व संपूर्ण मार्गदर्शक!

November 26, 2025 MSDhulap Team 5 min read

महाडीबिटी शिष्यवृत्ती (MahaDBT Scholarship) ही महाराष्ट्र शासनाकडून विविध विद्यार्थीवर्गाला दिली जाणारी आर्थिक मदत योजना आहे. अनुसूचित जाती, जमाती, ओबीसी, एसबीसी, ईडब्ल्यूएस, इमार व आर्थिकदृष्ट्या दुर्बल गटातील विद्यार्थ्यांना शिक्षणात अडथळा न येता ते पुढे जाऊ शकावेत, यासाठी ही शिष्यवृत्ती राबवली जाते. विद्यार्थ्यांनी MahaDBT पोर्टलवर ऑनलाइन अर्ज करून शिष्यवृत्ती किंवा फ्रीशीपचा लाभ घेऊ शकतात.

Table of Contents

महाडीबिटी शिष्यवृत्तीचे मुख्य उद्देश:

आर्थिक दुर्बल विद्यार्थ्यांना शिक्षण सुरू ठेवता यावे.
वेगवेगळ्या विभागांच्या शिष्यवृत्ती एका प्लॅटफॉर्मवर उपलब्ध करून देणे.
कॉलेज, संस्था, समाजकल्याण विभाग यांनी ऑनलाइन पडताळणी करून प्रक्रिया पारदर्शक ठेवणे.
फ्रीशीप व शिष्यवृत्ती थेट विद्यार्थ्यांच्या खात्यात जमा करणे.

महाडीबीटी शिष्यवृत्तीचे प्रकार:

पोर्टलवर खालील विभागांच्या शिष्यवृत्ती (MahaDBT Scholarship) उपलब्ध आहेत –

समाज कल्याण विभाग
आदिवासी विकास विभाग
अन्य मागासवर्गीय कल्याण विभाग
इमार व आर्थिक मागासवर्ग विभाग
अल्पसंख्याक विकास विभाग
दिव्यांग कल्याण विभाग
श्रम व शिक्षण विभाग

प्रत्येक विभागांत अनेक उपयोजना आहेत जसे –

Post Matric Scholarship
Freeship
राजर्षी शाहू महाराज शिष्यवृत्ती
EBC योजना
Minority Scholarship
दिव्यांग योजना इ.

आवश्यक पात्रता:

पात्रता सर्व विभागांनुसार बदलते, परंतु सामान्य पात्रता पुढीलप्रमाणे आहे:

1. शिक्षण पात्रता

10 वी नंतरचे शिक्षण (Post Matric).
राज्यातील कुठल्याही मान्यताप्राप्त संस्थेत प्रवेश घेतलेला असणे.

2. जात / वर्ग प्रमाणपत्र

जात प्रमाणपत्र / जात वैधता (जेथे लागू).
ओबीसी/एसबीसी/व्हीजेपीएनटी/ईडब्ल्यूएस विद्यार्थ्यांसाठी संबंधित प्रमाणपत्रे.

3. आर्थिक पात्रता

वार्षिक उत्पन्न मर्यादा विभागानुसार 1 लाख ते 8 लाखांच्या दरम्यान.

4. इतर अटी

विद्यार्थी महाराष्ट्रातील असावा.
आधार-लिंक मोबाईल नंबर असणे आवश्यक
एका वर्षात फक्त एकच शिष्यवृत्ती मंजूर होते.

आवश्यक कागदपत्रे

आधार कार्ड
जात प्रमाणपत्र
जात वैधता (लागू असल्यास)
उत्पन्न प्रमाणपत्र
बँक पासबुक (विद्यार्थ्याच्या नावावर)
मागील वर्षाचे गुणपत्रक
कॉलेज बोनाफाईड / प्रवेशपत्र
फी स्ट्रक्चर
नोंदणी केलेला मोबाईल नंबर

महाडीबिटी शिष्यवृत्ती / फ्रीशीप योजनांकरिता ऑनलाईन अर्ज करण्याची प्रोसेस – MahaDBT Scholarship:

शिष्यवृत्ती योजनांचा (MahaDBT Scholarship) लाभ घेण्यासाठी आपला मोबाईल क्रमांक आधार कार्डशी संलग्न करणे आवश्यक आहे. विद्यार्थ्यांना शिष्यवृत्ती / फ्रीशीप योजनांकरिता ऑनलाईन अर्ज करण्यासाठी खालील MahaDBT या संकेतस्थळाला भेट द्या आणि आपली मराठी भाषा निवडा.

https://mahadbt.maharashtra.gov.in/login/login

वरील MahaDBT या संकेतस्थळाला भेट दिल्यानंतर “पोस्ट मॅट्रिक शिष्यवृत्ती/प्रीमॅट्रिक शिष्यवृत्ती” हा पर्यायावर क्लिक करा.

पोस्ट मॅट्रिक शिष्यवृत्ती या पर्यायावर क्लिक केल्यानंतर “नवीन अर्जदार नोंदणी” या पर्यायावर क्लिक करा, जर तुम्ही अगोदर नोंदणी केली असेल तर “अर्जदार लॉगिन” वर क्लिक करा.

नवीन नोंदणी मध्ये अर्जदाराचे नाव, युजर नेम, पासवर्ड, ईमेल आयडी आणि भ्रमणध्वनी क्रमांक टाकून नोंदणी करा. नोंदणी झाल्यावर “अर्जदार लॉगिन” वर क्लिक करा.

सूचना:-

कृपया आपला वर्तमान मोबाइल नंबर आपल्या आधार क्रमांकाशी जोडलेला आहे याची खात्री करा.
आपले नोंदणीकृत वापरकर्ता नाव प्रविष्ट करा.
आपला संकेतशब्द प्रविष्ट करा.
प्रतिमेत दाखविलेले सुरक्षा मजकूर प्रविष्ट करा.
लॉगिन पासवर्ड आणि सुरक्षा मजकूर पुष्टी झाल्यानंतर लॉगिनसाठी लॉग इन करा बटणावर क्लिक करा.
जर रजिस्ट्रेशन करताना आपण आपला पासवर्ड विसरला असल्यास, “पासवर्ड विसरला” बटणावर क्लिक करा.
जर रजिस्ट्रेशन करताना आपण आपला वापरकर्ता नाव विसरला असल्यास, “वापरकर्ता नाव विसरला” बटणावर क्लिक करा.

लॉगिन केल्यावर शिष्यवृत्ती (MahaDBT Scholarship) अर्जा मध्ये आवश्यक माहिती, कागदपत्रे अपलोड करा आणि अर्ज सबमिट करा.

महाडीबीटी शिष्यवृत्ती / फ्रीशीप (MahaDBT Scholarship) योजना ही महाराष्ट्रातील लाखो विद्यार्थ्यांसाठी वरदान ठरते. योग्य माहिती, वेळेवर अर्ज आणि कागदपत्रांची पूर्तता केल्यास कोणताही पात्र विद्यार्थी ही मदत सहज मिळवू शकतो. शिक्षणात अडथळा न येऊ देता, शासनाच्या या उपक्रमाचा फायदा घ्या!

🟦 वारंवार विचारले जाणारे प्रश्न (FAQ) – महाडीबिटी शिष्यवृत्ती:

1. महाडीबीटी शिष्यवृत्ती अर्ज करण्याची शेवटची तारीख कोणती? :- शासन दरवर्षी वेळोवेळी अंतिम तारीख जाहीर करते. सामान्यतः ती डिसेंबर–जानेवारीपर्यंत असते.

2. महाडीबीटी शिष्यवृत्ती किती रक्कम मिळते? :- रक्कम स्कीमनुसार बदलते—काही योजनांत पूर्ण फी माफी (Freeship) तर काहींमध्ये 2,000 ते 50,000 पर्यंत सहाय्य मिळते.

3. महाडीबीटी शिष्यवृत्ती अर्ज करण्यासाठी आधार लिंक का आवश्यक आहे? :- मोबाईल नंबर आधारशी लिंक नसेल तर ओटीपी येत नाही आणि अर्ज पूर्ण होऊ शकत नाही.

4. एकाच वर्षी दोन शिष्यवृत्ती घेता येतात का? :- नाही. एकाच प्रकारची (Post Matric) फक्त एकच योजना लागू होते.

5. पैसे प्रोसेसमध्ये कुठे अडले आहेत, हे कसे तपासावे? :- MahaDBT लॉगिन → My Applications → Status येथे तपशील दिसतो.

या लेखात, आम्ही महाडीबिटी शिष्यवृत्ती / फ्रीशीप (MahaDBT Scholarship) योजनांकरिता ऑनलाईन अर्ज विषयीची संपूर्ण माहिती दिली आहे. मला आशा आहे की तुम्हाला हा लेख आवडला असेल. तुम्हाला हा लेख आवडला तर नक्की शेअर करा. तुम्हाला या लेखाबद्दल काही प्रश्न असल्यास, कृपया टिप्पणी द्या.

खालील लेख देखील वाचा !